2. nóvember 2020

Fossar stærstir í tilkynntum viðskiptum með skuldabréf í október

Fossar markaðir hf. voru stærstir í tilkynntum viðskiptum í skuldabréfum í október.

Hlutdeild Fossa markaða í tilkynntum viðskiptum í október var 29,3% í skuldabréfum og 24,3% í hlutabréfum og samsvarandi 17,8% og 18,6% í öllum viðskiptum.

Það sem af er ári eru Fossar markaðir umfangsmestir í tilkynntum viðskiptum með bæði skuldabréf og hlutabréf með 22,6% hlutdeild í skuldabréfum og 21,3% hlutdeild í hlutabréfum.

Heildarvelta í október nam 377 milljörðum króna í skuldabréfum og 103 milljörðum króna í hlutabréfum. Það sem af er ári nemur velta í tilkynntum viðskiptum 49,1% af heild í skuldabréfum og 65,2% í hlutabréfum.